من نحن؟

هبه الله محروس، أخصائية نفسية إكلينيكية، بدأت رحلتها مع علم النفس من إيمان حقيقي إن الإنسان مش “مشكلة” محتاجة إصلاح، لكنه روح بتتألم وبتدور على فهم وأمان.
معالجة متخصصة في العلاج المعرفي السلوكي، والعلاج الجدلي السلوكي، وعلاج الإدمان، والعلاج بالقبول والالتزام، والعلاج الدينامي، والعلاج المتمركز حول المشاعر.

رحلة هبه المهنية دايمًا كان محركها الأساسي الاهتمام الحقيقي بالإنسان، وده بان في شغلها مع حالات الأمراض النفسية والذهانية، واضطرابات الشخصية، ومرضى الإدمان، وحالات الاكتئاب والقلق والوسواس القهري، وفرط الحركة ونقص الانتباه لدى الكبار.
وكمان كان ليها دور واضح في الاستشارات الزوجية والأسرية، والعمل مع المراهقين، بإحساس الأم قبل المعالجة.

هبه مؤمنة إن أغلبنا بيواجه تحديات في حياته، وإن القبول مش استسلام، لكنه أول خطوة للتغيير.
تؤمن إننا مش دايمًا المسؤولين عن ظهور مشاكلنا، لكننا دايمًا المسؤولين عن طريقة تعاملنا معاها، وعن السعي لإيجاد الحلول اللي تناسبنا وتحسن جودة حياتنا وتقرّبنا للراحة اللي بنتمناها.